Opozisaun Parlamentár Konsidera Programa Governu Laiha Seriedade

0
364
Primeiru Ministru, Marí Alkatiri hamutuk ho membru governu seluk, ohin, halo apresiasaun ba deputadu sira iha Parlamentu Nasionál kona-ba programa ne'ebé aprejenta. Foto António Goncalves

DILI, (TATOLI) – Bankada hosi opozisaun parlamentár konsidera programa sétimu governu konstitusionál laiha seriedade, inserteza, koerénsiano, klareza polítika no koordenasaun polítika ne’ebé loloos.

“Progama ne’e hanesan nakonu ho bani ben hodi atrai de’it, programa ne’e jenériku liu no la klaru, programa ne’e la realístiku tanba koko atu halo buat hotu iha tinan lima maibé imposivél”, hateten Xefe Bankada Partidu Libertasaun Populár (PLP), Fidelis Magalães iha deklarasaun polítika relasiona ho aprezentasaun programa sétimu governu konstitusionál, ohin.

Programa ne’ebé aprejenta hanesan tentativa atu hetan apresiasaun no konsensu polítika, flesibilidade aumenta programa balun ho objetivu ba aprovasaun.

Fidelis konsidera koligasaun minoritaria sai sasidik boot ba governu atu alkansa objetivu dezenvolvimentu ba povu nia moris di’ak tanba hatur hela iha risku ba falta estabilidade governativa.

Sétimu governu mosu ho koligasaun minoria ne’ebé konstituisaun rasik la define, bankada PLP kompremitidu hodi kontribui ba dezenvolvimentu nasaun nian liuhosi afirmasaun iha PN hamutuk ho Kongresu Nasionál Rekonstrusaun Timor (CNRT-sigla portugés) no Klibur Haburas Unidade Nasionál Timor Oan (KHUNTO) atu halo polítika konsentrasaun polítika tau interese nasionál.

Iha sorin seluk, Xefe Bankada KHUNTO, Luis Roberto hatutan, programa sétimu governu konstitusionál la sistemátiku. “Ami sei la apoia”, hatete nia.

Parte seluk, Xefe Bankada Partidu Demokrátiku (PD), Maria Teresa Gusmão dehan, PD fó apoiu totál ba programa governu hodi bele hasai povu hosi kiak no mukit. Hodi afirma, “Ami Maubere Oan Prontu Atu Serbi”.

Xefe Bankada Frente Revolusionaria Timor-Leste Indepéndente (FRETILIN), Francisco Branco hateten, la-halo deklarasaun polítika tanba dadaun ne’e governu atu fahe informasaun kona-ba programa.

Hatan ba deklarasaun polítika hosi opozisaun parlamentár, Primeiru Ministru, Marí Alkatiri esplika, programa ne’e jerál tanba ho baze konstituisaun artigu 108 katak konstituisaun la define prioridade maibé kuandu iha mak programa mai iha planu asaun anuál.

“Ami la’os atu manan apoiu maibé buka konsensu tanba povu, la’os halo tátika hodi manan apoiu maibé ita atu servi povu ne’e”, dehan nia.

Jornalista: Zezito Silva

Editora: Rita Almeida

HUSIK IDA HATÁN