MPKM Apresenta Servisu ba PR

0
59
Ministru Prezidénsia Konsellu Ministru Adriano do Nascimento. Foto TATOLI

DILI (TATOLI)-Ministru Prezidénsia Konsellu Ministru (MPKM) Adriano do Nascimento ohin, apresenta servisu governasaun da hitu ba Prezidente Repúblika Francisco Guterres Lu olo iha palasiu Presidensiál Bairru-Pite.

ʺMai informa ba presidente kona-bá servisu governu durante loron hirak ne’e tanba ne’e primeiru ministru haruka ha’u mai mak informa,” Adriano do Nascimento dehan tuir, ba Jornalista sira iha hafoin hasoru malu ho Prezidente Repúblika iha  Palasiu Presidensiál Bairru-Pite Dili.

Aleinde ida ne’e nia informa mós, ohin, apresenta ona programa governasaun da hitu ba Parlamentu nasionál ne’ebé simu diretamente husi Prezidente Parlamentu Aniceito Guterres.

ʺOhin ha’u lori ona ba parlamentu hodi entrega ona ba prezidente parlamentu. Governu espera parlamentu bele halo ona agenda hodi governu ba apresenta iha plenaria,ʺ Adriano hakotu lia.

(Jornalista:Agapito dos Santos).

(Editór : Manuel Pinto)                                                                                     

HUSIK IDA HATÁN