MP Tenke Enfrenta Dezafiu Globalizasaun

0
99
Prokuradór Jerál Repúblika (PJR), José Ximenes. Foto Tatoli/Egas Cristovão

DILI, (TATOLI) – Prokuradór Jerál Repúblika (PJR), José Ximenes, hateten Ministériu Públiku (MP) tenke komesa haree asaun atu infrenta dezafiu globalizasaun.

“Ministériu Públiku tenke komesa haree ninia asaun no organizasaun oinsá atu enfrenta dezafiu globalizasaun iha ámbitu CPLP (komunidade nasaun sira ne’ebé ko’alia lian portugés) saida mak ita tenke halo, ita bele reforsa liutan mekanizmu kooperasaun judisáriu”, tenik ba jornalista sira iha ámbitu enkontru Prokuradór Jerál CPLP (Comunidade Países da Língua Portuguesa) XV iha salaun Ministériu Negosiu Estranjeiru no Koperasaun (MNEK), kuarta (25/10).

Hodi dehan, atu kombate krime organizadu, Timor-Leste iha ona Polísia Sientífika Investigasaun Kriminál (PSIK) no kombate korupsaun iha ona Komisaun Anti Korupsaun (KAK).

Entretantu ida ne’e hanesan asaun interna no agora presiza hadi’a organizasaun iha termu estrutura.

Nune’e mós konaba alargamentu tribunál. “Pontu hirak ne’e mak foku iha enkontru hodi haree oinsá kona-ba kriminalidade transnasionál sira ne’ebé ho karaktér oin-oin ne’ebé ministériu públiku labele túr nonok no kria oinsá atu reforsa ninia organizasaun no asaun”, katak.

Akresenta tan, iha mundu globalizasaun tenke halo kooperasaun ho país seluk no internalmente tenke reforsa organizasaun no asaun.

Informa tan, agora prepara hela proposta memorandu intendementu konaba kooperasaun ba pais membru sira ne’ebé haree kooperasaun iha matéria penál, transferénsia kondenadu, no matéria penál.

“Ami tenta haree ida ne’e no hatama iha kestaun laran, sei ita iha ona transferénsia kondenadu ita bele halo, ita bele halo estradisaun, se ita bele halo matéria penál nia, agora oinsá bens kapitál sira ne’ebé halo iha ne’e mak tau iha fatin seluk. Oinsá mak ita rezolve”.

Jornalista: Julia Chatarina

Editora: Rita Almeida

HUSIK IDA HATÁN