Lista Membru Governu Akontese Mudansa

0
1142
Prezidente Repúlika, Francisco Guterres Lú Olo ho Primeiru Ministru, Marí Alkatiri.

DILI, (TATOLI) – Jornál da Repúblika iha loron ohin, ho númeru série I, númeru 38 A  públika fali ou halo redasaun ba lista membru governu ne’ebé fó sai ona iha loron 29 fulan-setembru foin lalais ne’e.

Mudansa ne’ebé akontese mak Ministru Adjuntu ba Primeiru Ministru no Prezidensia Konsellu Ministru, Hermenegildo Augusto Cabral Pereira troka fali ba Ministru Adjuntu ba Primeiru Ministru Delimitasaun Fronteira.

Entretantu, iha públikasaun ne’e aumenta Vise Ministra Negosiu Estranjeiru no Koperasaun, Adaljiza Albertina Xavier Reis Magno, Sekretária Estadu Igualdade Jeneru no Inkluzaun Sosiál, Laura Menezes Lopes.

Mudansa ne’e akontese bazea ba dekretu Prezidente Repúblika númeru 63/2017, loron 29 fulan-setembru.

Lista membru governu ne’ebé públika iha loron 29 fulan-setembru liuba ho númeru série I, númeru 38 A mak hanesan Ministru Estadu no Ministru Rekursu Minarai, Mariano Assanami Sabino, Ministru Adjuntu ba Primeiru Ministru no Prezidensia Konsellu Ministru, Hermenegildo Augusto Cabral Pereira, Ministru Adjuntu ba Primeiru Ministru ba asuntu Governasaun, José Maria dos Reis, Ministru Edukasaun no Kultura, Fernando Hanjam.

Ministru Petróleu, Hernani Filomeno Coelho da Silva, Vise Ministru Dezenvolvimentu ba Obrás Publikás, Mariano Renato Monteiro da Cruz, Vise Ministru Dezenvolvimentu ba Abitasaun, Ordenamentu no Ambiente, Abrão Gabriel Santos Oliveira.

Vise Ministru Dezenvolvimentu ba Transporte no Komunikasaun, Inácio Freitas Moreira, Vise Ministru Administrasaun Estatál, José Anuno, Vise Ministru ba Edukasaun no Kultura, José António de Jesus das Neves.

Vise Ministru Saúde, Luís Maria Ribeiro Freitas Lobato, Vise Ministru Justisa, Sebastião Dias Ximenes, Vise Ministru Komersiu no Indústria, Jacinto Gusmão, Vise Ministru Agrikultura no Peska, Deolindo Silva, Sekretariu Estadu Agrikultura no Peska, Cipriano Esteves D. Ferreira.

Sekretáriu Estadu ba Konsellu Ministru no Komunikasaun Sosiál, Matias Freitas Boavida, Sekretáriu Estadu Desportu no Promosaun ba Kompetisaun Altu, Osório Florindo da Conceicão Costa, Sekretáriu Estadu ba asuntu Juventude no Servisu, Nivio Leite Magalhães, Sekretariu Estadu ba asuntu Veteranu, André da Costa Belo (L4).

Lista ne’e bazeia ba dekretu Prezidente Repúblika númeru 63/2017 iha loron 28 setembru hodi nomeia membru governu tuir proposta Primeiru Ministru.

Membru governu sira ne’e sei simu tomada pose iha loron aban, (3/10) fatin Palásiu Prezidensia Bairo Pite Dili, tuku 16.00.

Ekipa Redasaun

HUSIK IDA HATÁN