Lideransa Protestante Preokupa Situasaun Polítika

0
43
Prezidente Konvensaun Nasionál Igreja Evangélica Assembleia de Deus, Francisco dos Reis ho ninia delegasaun hasoru Prezidente Repúblika, Francisco Guterres Lú Olo iha Palásiu Prezidente, ohin. Foto mídia PR

DILI, (TATOLI) – Prezidente Konvensaun Nasionál Igreja Evangélica Assembleia de Deus, Francisco dos Francisco dos Reis hateten, preokupa ho situasaun polítika ne’ebé akontese iha rai laran.

Nia hato’o preokupasaun ne’e hafoin hasoru malu ho Prezidente-Repúblika, Francisco Guterres Lú Olo  hodi hato’o felisitasaun iha Palásiu Prezidensiál Bairo-Pite Dili, ohin.

ʺSarani sira atu hela hakmatek hodi harohan ba Maromak atu fó matenek ba ita Nia Na’I ulun sira atu foti desizaun ida loos no justu”, dehan nia.

Prosesu luta ba independénsia lori tinan barak hodi rezulta ema barak maka mate, tanba ne’e timoroan tenki iha ona maturidade polítika atu hametin unidade, pás no estabilidade.

ʺProsesu luta ba tinan naruk no ita ukun-án loloos tinan sanulu resin hitu ona, tanba ne’e ita tenke iha ona maturidadeʺ, hatutan.

Ho situasaun ne’ebé akontese, líder igreja ne’e hateten, sira mós iha papel atu haklaken pás no domin ba sarani sira hodi apoiu prosesu dezenvolvimentu.

Jornalista: Agapito dos Santos

Editora: Rita Almeida

HUSIK IDA HATÁN