Lider Tenke Unidade Hodi Apoiú Dezenvolvimentu

0
224
Reprezentante Igreja Protestante iha Timor-Leste, Rev. Lourenço dos Santos ko´alia ba jornalista sira iha Palásiu Prezidénsia Repúblika, tersa ne´e. Imajen Ajénsia TATOLI/Xisto Freitas

DILI (TATOLI)—Reprezentante Komunidade Igreja Protestante Timor-Leste, Lourencio dos Santos husu ba lider Timoroan sira atu hametin unidade, kria pás no estabilidade nune’e apoiú dezenvolvimentu Timor-Leste.

“Timoroan hotu-hotu fó liman ba Malu, unidade hodi nune’e bele la’o ba oin, ʺ Lourencio dos Santos husu hafoin komprimenta Prezidente Repúblika Francisco Guterres Lú olo iha Palasiu Prezidénsiál Bairru-Pite Dili, Segunda, ohin.

ʺHusu Ba Deputadu no Deputada iha Parlamentu, Ukun nain sira iha nasaun ne’e atu fó liman ba malu no unidade, hodi estadu iha forsa hodi tau atensaun ba interese nasionál, povu no la’ós ba interese Partidaria.ʺ

Ba Prezidente da Repúblika nu’udar simblu unidade nasionál,  tenke mantein servisu tuir lei hodi garante pás no estabilidade.

“Igreja no Estadu  hanesan parseiru importante ba dezenvolvimentu, tanba ne’e Igreja Protestante sei kontinua apoiú moral ba susesu sétimo Governu.”

Iha fatin hanesan, Moderadór Igreja Protestante Timor Leste,  hateten, iha loron 31 outobru 2017, sei selebra tinan 500 ba  reforma igreja iha mundo no Timor-Leste.

Seremonia ne’e sei hala’o iha Dili ne’ebé sei hetan Partisipasaun husi Bispo Dioseze Dili no seluk tan.

ʺAmi sei hala’o selebrasaun tinan 500 reforma igreja  foin primeira vés selebra iha Timor-Leste.ʺ

Aktividade sira ne’ebé sei hala’o iha selebrasaun loron inportante refere mak hanesan, doasaun ran ba pasiente sira ne’ebé presiza Tulun, nomos limpeza no seminariu.

(Jornalista:Agapito dos Santos).

(Editór : Manuel Pinto)

HUSIK IDA HATÁN