Lere Triste Akompaña Polítika no Preokupa ba Destinu Nasaun

0
446
Enkontru entre Majór Jenerál Lere Anan Timur no Xefe Estadu Lú Olo.

DILI (TATOLI)—Komandu FALINTIL-FDTL, Major Jenerál, Lere Anan Timur, sente preokupa ho distinua nasaun nia  haree ba fenómenu polítika ne’ebé oras ne’e la’o iha Timor-Leste.

“Ha’u preokupa, ha’u triste ho destinu nasaun,” Lere Anan Timur hasai nia sentimentu ne’e hafoin hasoru Prezidente Repúblika Francisco Guterres Lu olo iha Palásiu prezidensiál bairru Pité Dili, kuarta, ohin.

Nu’udar lider rezisténsia nia husu ba polítiku sira iha Parlamentu Nasionál, tenke iha konxiénsia bainhira hato’o deklarasaun polítika ne’ebé hateten governu la dura. Basa deklarasaun sira dehan governu la dura bele fó konsekuénsia ba seguransa iha rai laran.

“Ita lakohi nasaun nee monu ba krize. Se monu inimigu aproveita Pontus fraku ita nian hodi atinje ninia objetivu,” Lere esplika.

Entretantu objetivu Lere Anan Timur hasoru malu ho Prezidente da Repúblika, atu informa ba Prezidente situasaun seguransa iha rai laran.

“Ohin ha’u ko’alia ho prezidente ho situasaun ida ne’ebé hatete governu monu nee sei afeta ba mákina estadu,” Lere konklui.

(Jornalista Agapito dos Santos).

(Editór : Manuel Pinto)

HUSIK IDA HATÁN