La Presiza Iha Estadu De Sítiu Post Mosaun Rejeisaun

0
264
Ministru Defeza no Seguransa (MDS), José Agostinho Sequeira “Somotxo”

DILI (TATOLI) –Ministru Defeza no Seguransa (MDS), José Agostinho Sequeira “Somotxo” anunsia katak, situasaun Timor-Leste maski mosu kontradisaun iha Parlamentu Nasionál, maibé situasaun kontroladú tanba ne’e la iha estadu de sítiu.

“Situasaun polítika manas iha Parlamentu Nasionál (PN) ema hotu haree iha televizaun situasaun hotu kontroladú, situasaun ne’e, konsidera la’ós atu hamosu Estadu Sítiu,” José Agostinho Sequeira “Somotxo” informa ba jornalista sira liuhosi konferénsia imprensa iha Kuarte F-FDTL, Fatuhada, horisehik.

Estadu de sítiu la tanba to’o ohin loron komandu seidauk hasai orden atu iha Estadu Sítiu, maibé bainhira kilat ruma tarutu sei iha estadu sítiu.

Ho ida atu evita kilat tarutu hodi mosu estadu sítiu di’ak liu ema hotu tenke tuur hakmatek. Kilat sei la tarutu, funu laiha no movimentasaun públiku la’o normál.

Hakmatek tuir nia, hodi bele garante estabilidade polítika no estabilidade nasionál maibé kuandu kilat tarutu ona signifika iha ona Estadu Sítiu.

“Kuandu polítiku sira mak han malu hanesan fatuk mak tarutu de’it no rama ambon mak sai, entaun ida ne’e la presiza Estadu Sítiu.”

Bainhira situasaun runguranga ruma mós relasiona ho situasaun polítiku ne’ebé ohin loron akontese iha ita nia rain, Ministru Defeza realsa katak,  FALINTIL-Forsa Defeza Timor-Leste (F-FDTL) no Polisia Nasionál Timor-Leste (PNTL) preparadu atu atua situasaun hotu.

“Mezmu iha dezentendimentu polítika maibé ba futuru sira sei hamutuk hodi komprende malu no hetan dalan di’ak atu lori nasaun ne’e ba oin,” Somotxo hato’o nia espetativa.

(Jornalista : Zezito Silva).

(Editór : Manuel Pinto)

HUSIK IDA HATÁN