KM Seidauk Fó Apresiasaun ba Programa Governu

0
258
Sekretáriu Estadu Konsellu Ministru no Komunikasaun Sosiál, Matias Boavida ko'alia ba jornalista sira hafoin reuniaun Konsellu Ministru iha Palásiu Governu. Foto dokumentasaun Tatoli

DILI, (TATOLI) – Hafoin simu pose ba faze daruak, membru governu sira hahú reuniaun Konsellu Ministru (KM) dahuluk hodi diskute no fó apresiasaun ba programa governu dahituk maibé tanba kestaun atu haklean tan programa, diskusaun sei adia ba sesta semana ne’e.

“Buat importante liu mak konaba programa governu konstitusionál dahituk atu mellora liutan programa governu,  Konsellu Ministru deside atu adia sesta semana ne’e atu ministru sira bele haklean liutan, nune’e bele aprova no segunda bele haruka fali ba Parlamentu Nasionál”, tenik Sekretáriu Estadu Konsellu Ministru no Komunikasaun Sosiál, Matias Freitas Boavida ba jornalista sira hafoin reuniaun KM iha Palásiu Governu, tersa (4/10).

Antes ne’e Primeiru-Ministru, Marí Alkatiri iha nia diskursu seremónia simu posse ba membru governu dahituk ba faze daruak hateten, programa governu ba orsamentu retifikativu prontu ona no hein lori ba KM hodi hetan aprovasaun no aprezenta fali ba Parlamentu Nasionál.

Nia mós garante katak programa no orsamentu retifikativu sei hetan aprovasaun iha Parlamentu Nasionál.

Jornalista: Julia Chatarina

Editora: Rita Almeida

HUSIK IDA HATÁN