KM Konfirma Programa Governu Da-Hituk

0
90
Enkontru Konsellu Ministru nian ohin. Foto GPM

DILI, (TATOLI) – Reuniaun Konsellu Ministru (KM) iha Palásiu Governu, ohin halo konfirmasaun ba programa Governu ne’ebé haruka ona ba Parlamentu Nasionál (PN).

“Enkontru Konsellu Ministru (KM) pratikamente la ko’alia  barak maibé halo konfirmasaun ba programa governu hodi haree kle’an liu tan oinsá governu bele ba aprezenta iha Parlamentu Nasional (PN)”, informa Sekretáriu Estadu KM no Komunikasaun Sosiál, Matias Boavida ba jornalista sira.

Maske nune’e, Ministru Prezidénsia KM, Adriano do Nascimento ohin dader lori no entega ona programa governu ba PN.

“Programa governu ami halo ona submisaun ba Parlamentu Nasionál (PN), enkuantu, diskusaun ba programa ne’e depende ba disponibilidade hosi órgaun lejislatura”, haktuir nia.

Enkuantu, programa governu konstitusionál nian mak sei kombate izolamentu populasaun, kria infraestrutura ho kualidade, dinamiza prestasaun servisu públiku, fó atensaun espesiál ba asaun sosiál liuhosi kualidade saúde, edukasaun no hadi’a kondisaun moris povu nian.

Jornalista: Zezito Silva

Editora: Rita Almeida

HUSIK IDA HATÁN