KM Hahú Hadi’a Programa Governu

0
161
Enkontru Konsellu Ministru, ohin. Foto GPM

DILI, (TATOLI) – Governu liuhusi reuniaun Konsellu Ministru extraordináriu ohin, hadi’a hikas programa governu dahituk nian nomos prepara orsamentu retifikativu hodi haruka ba Parlamentu Nasionál.

Sekretariu Estadu Konsellu Ministru no Komunikasaun Sosiál, Matias Boavida, hateten Primeiru Ministru, Marí Bin Amude Alkatiri maka prezide reuniaun ne’e hodi hadi’a hikas programa governu tuir pedidu deputadu.

“Ami mós hahú hanoin ko’alia kona-ba orsamentu retifikativu atu hatama simutaniamente ho programa governuʺ, dehan nia.

Reuniaun ne’e, nia haktuir, ministériu sira aprejenta dadus kada programa, nune’e bele hatan ba preokupasaun deputadu durante aprejentasaun programa governu iha semana kotuk.

ʺGovernu agora prepara dadus husi ministériu hotu, husi projetu hotu atu bele justifika programa governu sei haruka baʺ, katak tan.

Hodi hatutan: ʺIta nia ezijensia rai laran presiza tebes atu halo orsamentu retifikativu hodi responde nesesidade iha rai laranʺ, hatutan.

Nia dehan, membru governu balun maka sei reprejenta Xefe Governu, Marí Alkatiri hodi lori hikas programa governu ne’e ba uma fukun iha tempu besik.

Jornalista: Agapito dos Santos

Editora: Rita Almeida

HUSIK IDA HATÁN