KFP Relata Servisu ba Primeiru Ministru

0
92
Prezidente Komisaun Funsaun Públika (KFP), Faustino Cardoso ho ninia estrutura, ohin aprejenta servisu KFP no servisu administrasaun públika ba Primeiru Ministru, Marí Alkatiri iha Palásiu Governu. Foto GPM

DILI, (TATOLI) – Prezidente Komisaun Funsaun Públika (KFP), Faustino Cardoso ho ninia estrutura, ohin aprejenta servisu KFP no servisu administrasaun públika ba Primeiru Ministru, Marí Alkatiri iha Palásiu Governu.

Enkontru ne’e, informa mós konaba instituisaun KFP oras ne’e tutela iha gabinete Primeiru Ministru ninia okos hodi garante nafatin funsionamentu komunikasaun iha futuru.

Alende ne’e, armonizasaun diploma sira ne’ebé sei iha ligasaun ho kna’ar komisaun ninian, forsa servisu  no seluk tan.

ʺAmi hato’o kestaun ida ne’e hodi nune’e ba oin ne’e komunikasaun la’o oinsá nomos hato’o evolusaun polítika komisaun funsaun públika ninianʺ, dehan Prezidente KFP.

Alende ne’e, diploma atu kria uniformizasaun ba kontratu no rejime funsionariu permanente, kontratadu inklui pesoál ne’ebé hetan nomeasaun iha gabinete kada membru  governu sira.

ʺHo diploma ne’e hodi uniformiza kontratu ba forsa de trabalho ba funsionariu kontratu sira inklui nomesaun polítika iha gabinete governuʺ, hatutan.

Diskusaun ne’e ko’alia mós kona-ba polítika governu hodi halo re-estruturasaun ba instituisaun Estadu iha governu dahituk.

Instituisaun balun tau hamutuk no balun haketak-án, tanba ne’e ninia implikasaun ba forsa servisu oinsá atu ajusta  no re-aloka funsionariu sira hosi ministériu ida ba seluk  hodi garante funsionamentu makina Estadu.

Jornalista: Agapito dos Santos

Editora: Rita Almeida

HUSIK IDA HATÁN