Kazu Hong Long, Ha’u Deside Ho Onestu

0
159
Ministru Estadu no Ministru Agrikultura no Peska (MAP), Estanislau Aleixo da Silva. Foto/Egas Cristovão.

DILI (TATOLI)—Ministru Estadu no Ministru Agrikultura no Peska (MAP), Estanislau Aleixo da Silva, deklara abertamente perante Deputadu/a Parlamentu Nasionál katak, desizaun ne’ebé nia hola ba kompañia Hong Long ho laran mós alias onestu, la iha intensaun, tanba ne’e nia lata’uk buat ruma relasiona ho kazu ne’e.

“Ha’u laiha buat ida mak ha’u subar, ha’u subar mak ha’u ta’uk, ha’u lata’uk buat ida, ha’u halo ho laran moos ba rai ida ne’e, ho laran moos tomak hanesan horiuluk no hori ua’in hanesan estudante (luta) iha tempu ne’ebá,” Estanislau Aleixo fó sai iha plenária, Kinta (05/10).

Atu serve estadu timor-leste, ba nia (Esatanislau) ne’ebé iha tempu luta habelun ho saudozu sira hanesan Vicente Sahe, António Carvarinho, Cesar Maulaka, Inácio Fonseca “Solan”, Tchay, Bere Malailaka, ka’er metin prinsípiu ida katak sei la trai Timor-leste iha situasaun saida de’it.

“Ha’u-nia amigu hanesan Vicente Sahe, António Carvarinho, Cesar Maulaka, Inácio Fonseca “Solan”, Tchay, Bere Malailaka, sira ne’e ha’u-nia kolega di’ak tebes ne’ebé ohin loron matebian ona, ha’u sei latrai sira-nia memória. Ami hamutuk horiuluk, horiua’in halo movimentu hanesan estudante hasoru Portugés sira antigu iha tempu antigu ne’ebá, la’ós agora mai mak atu trai fali povu no rai ida ne’e laiha, no sei la akontese.”

Ba kazu Hong Long nia konsidera ema barak mak hakarak hasa’e lia ou halo aproveitamentu hodi joga polítika ho objetivu ida atu hamonu nia no hatún governu nia dignidade, maibé intensaun sira ne’e la iha pezu.

Ho konsensia ida ne’ebé mak mós no los, Estanislau deside halo audiénsia ho Parlamentu Nasionál relasiona ho polémika iha públiku kona-bá kompañia Hong Long ne’ebé hakail ikan Tubaraun protejidu iha Kosta Súl, no oras ne’e suspende hodi submete ba prosesu investigasaun, tanba deskonfia operasaun kompañia refere estraga ikan protejida hanesan Tubaraun.

(Jornalista : Maria Auxiliadora)

(Editór : Manuel Pinto)

HUSIK IDA HATÁN