Hametin Kooperasaun, Embaixadora EUA Vizita Ministru Adriano

0
92
Embaixadora Estadus Unidus Amérika iha Timor-Leste, Karen Clark Stanton. Foto Espesial

 DILI (TATOLI) – Embaixadora Estadus Unidus Amérika (EUA) iha Timor-Leste, Karen Clark Stanton mai vizita Ministru iha Prezidénsia Konsellu Ministru (MPKM), Adriano Do Nascimento atu ko’alia konaba programa ne’ebé atu implementa ba Governu Konstitusionál dahituk.

“Ami ko’alia konaba programa foun no halo diskusaun mós konaba kooperasaun entre EUA no Timor-Leste  ne’ebé kontinua daudauk nó mós dezenvolvimentu ba rai ne’e,” Karen Clark Stanton informa ba jornalista sira hafoin hasoru malu ho Ministru Adriano.

Nia apresia ho programa governu nian tanba iha poténsia atu hametin kooperasaun ho Timor-Leste. Ne’ebé EUA estabelese ho Timor-Leste hahú hosi 20 Maiu 2002 ate agora.

Iha tempu ne’ebá kedan nasaun ne’e fornese US$ 500 millaun resin iha asisténsia bilateral. Ajénsia EUA tama iha Timor-Leste inklui departamentu nasaun nian, defeza, justisa, USAID, no Peace Corps.

EUA halo ona atividade barak hodi dezenvolve povu Timor-Leste hanesan iha área edukasaun fó bolsu estudu ba timoroan liuhosi programa Fulbright, kultura, negósiu, hala’o konferénsia internasionál sira, no seluk tan.

(Jornalista: Julia Chatarina)

(Editór : Manuel Pinto)

 

HUSIK IDA HATÁN