Governu Diskute Poténsia Turizmu

0
187
Primeiru Ministru, Marí Alkatiri bainhira loke serimonia Tourism Symposium iha Arkivu no Muzeum Resisténsia Timoroan, ohin. Foto GPM

DILI, (TATOLI) – Primeiru Ministru, Marí Alkatiri informa governu diskute ideia hodi define polítika turizmu.

“Hanesan Ministru Turizmu foun, Manuel Vong hahú ho ideia foun atu bele define polítika turizmu nian atu ita bele uza istória, kultura, natureza, tasi okos nu’udar poténsia ba turizmu”, dehan Xefe Governu, Mari Alkatiri hafoin halo abertura ba Tourism Symposium iha Muzem Rezisténsia Timorense, sesta (27/10).

Turizmu Timor-Leste sei dezenvolve tuir karaterístika nasaun nian la’ós kopia fali nasaun seluk hanesan Bali-Indonézia, Timor-Leste iha diferénsia poténsia turístika ho nasaun sira seluk.

“Ita kopia fali Bali nian di’ak liu ita ba Bali de’it dúke mai iha ne’e, maibé ita hakarak buat ida diferente ho realidade poténsia turistika”, afirma nia.

Nune’e mós Timor-Leste maioria mak relijiaun katólika oinsá mak ita kopia fali poténsia turístika Bali nian hanesan ho relijiaun Hindu.

Serimonia Turism Symposium organiza hosi The Asia Foundation no Market Development Facility no hetan apoiu hosi Embaixada Nova Zelándia.

Jornalista: Zezito Silva

Editora: Rita Almeida

HUSIK IDA HATÁN