Funsionáriu Tenke Koopera ho Governu

0
271
Deputada Josefa Pereira

DILI (TATOLI) –Deputada Josefa Pereira bolu atensaun ba servidór estadu sira hanesan, diretór jerál, diretór nasionál, xefe departamentu no funsionáriu tomak atu garante funsionamentu mákina estadu nian liuhosi dalan koopera ho governu atuál.

Deputada Fretilín ne’e halo Chamada atensaun relasiona ho hahalok funsionáriu públiku balun iha ministériu ne’ebé nia la sita naran, foin lalais ne’e rejeita fó dadus ne’ebé membru governu sira husu.

“Iha debate programa VII governu, barak mak husu dadus maibé lamenta tebes tanba dadus ne’ebé governu ida ne’e hakarak husu no hetan husi xefe no diretór balun lakohi fó no pior tan sei ko’alia hein ministru ka Senhor ida ne’e mai mak foin sira bele fó,” Josefa Pereira haktuir iha nia intervensaun ba plenáriu Parlamentu Nasionál (PN), ohin.

“Mandatu governu anterior hotu hakarak ka lakohi mákina estadu funsiona tenke koopera ho governu atuál tanba asume ninian responsabilidade no lejitimidade tomak.”

“Tanba saida mak lakohi koopera? Iha buat ruma iha kotuk? hakarak halo polítika subversivu? Mak agora la’o daudauk ka ita hakarak koopera hodi hadi’a povu nia moris? Buat sira ne’e labele akontese no ita labele provoka situasaun.”

 Iha fatin hanesan, deputadu Aurélio Freitas, fó hanoin katak VI governu laiha ona, agora VII mak iha ne’e duni liga ba dadus ne’ebé VII governu presiza para atu reforsa nia programa, nune’e hanesan servidór estadu tenke entrega.

(Jornalista: Julia Chatarina)

(Editór : Manuel Pinto)

HUSIK IDA HATÁN