Feto La Iha Mane mós Labele Halo Buat Ida

0
242
Vice Ministru Justisa Sebastião Dias Ximenes.

LIKISÁ (TATOLI)—Vice Ministru Justisa Sebastião Dias Ximenes husu atu mane sira respeita feto. Bainhira feto la iha, mane mós la bele halo buat ida, tanba feto la’ós inimigu ba mane.

Feto sai parseiru ba mane, feto la iha ami mane mós labele halo buat ida. Nune’e governu fó importánsia tomak ba Sekretaria Estadu Igualdade Jéneru no Inkluzaun Sosiál, signifika Estadu foti aas feton sira iha sosiedade nia leet,” Sebastião Dias Ximenes afirma lia ne’e bainhira partisipa iha loron internasionál feto rural ne’ebé Timor-Leste liuhosi Sekretaria Estadu Igualdade Jéneru no Inkluzaun Sosiál selebra iha, Suku Watu-Vou, Postu Maubara no Munisípiu Likisá, ohin.

Tuir Sebastião, feto ho mane sai parseiru ba dezenvolvimentu tanba ne’e tenke hakabit ekonomia  feto rurál nune’e kontribui ba hasa’e dezenvolvimentu nasionál.

“Alin oan sira tenke fó valór ba inan sira katak sé ita inan laiha ita mós laiha. Aman mós tenke respeita inan, se laiha inan ita la moris,” nia enkoraja

Vise Ministru Justisa, iha área justisa feto ho mane tenke la’o hamutuk maibé dala barak mane sira ladún valoriza feto hodi halo violénsia tanba ne’e husu ba mane sira tenke respeita feto nu’udar parseiru di’ak ba dezenvolvimentu.

“Kazu barak iha tribunál, feto sira sente katak di’ak liu ha’u lalika lori ha’u nia lean ba tribunál hodi hetan justisa, ne’e hatudu katak feto hadomi no respeita mane, maibé dala barak mane ladún fó importánsia.”

Dala barak mane halo violénsia ba feto, nune’e nia bolu atensaun ba mane atu halo reflesaun iha loron internasionál feto rurál atu mane sira respeita feto tanba feto la’ós inimigu ba mane.

Entretantu Sebastião lori mane tomak ne’ebé Timor-Leste nia naran hodi hato’o katak nu’udar mane nia sente kontente hodi partisipa iha selebrasaun loron internasionál feto rural ne’ebé Timor mós selebra.

(Jornalista : Zezito Silva).

(Editór : Manuel Pinto)

Notisia Relasiona :

Igualdade Jéneru Sai Hanesan Sentru Ba Prosesu

HUSIK IDA HATÁN