ME Despede Bolseiru 21 ba Indonézia

0
154
foto ilustrasaun

DILI, (TATOLI) – Ministru Edukasaun, Fernando Hanjam, ohin hala’o despedida ba estudante bolseiru timoroan 21 ne’ebé sei hasai diploma III ba  área peska iha Indonézia.

“Sira ba ne’e hasai diploma III iha área peska nian”, informa nia iha edifísiu ME Vila Verde. Hatutan, bolseiru hirak ne’e sei estuda iha  eskola politékniku iha Jakarta, Blitur Sulawesi no Maluku Indonézia.

Nia hatutan, governu dahituk iha kompromisu kontinua reforsa rekursu  úmanu hodi haruka timoroan estuda iha estranjeiru. “Ami na’in tolu (vise ministru nain rua) iha nafatin planu atu haruka bolseiru sira ba rai liurʺ, tenik.

Governante ne’e apelu ba bolseiru sira atu aproveita oportunidade hodi tuir estudu ho di’ak. ʺHa’u husu ba imi atu aproveita didiak oportunidade ne’e no kuidadu imajen Timor-Leste nian iha rai liurʺ, fó hanoin.

Reprejentante inan aman bolseiru, Francisco Batista Belo agradese ba apoiu governu hodi fó ona bolsu estudu ba sira nia oan hodi estuda iha rai liur.

Jornalista: Agapito dos Santos

Editora: Rita Almeida

HUSIK IDA HATÁN