Apoia Morál PPN Aprósima Lider Protestante

0
146
Prezidente Parlamentu Nasionál, Dr. Aniceto Longuinhos Guterres, dadalia ho jornalista sira iha Palásiu Prezidente Nicolau Lobato, ohin dadér.

DILI (TATOLI)– Prezidente Parlamentu Nasionál (PN), Aniceto Guterres foin lais realiza enkontru ho lider Sínodu Igreja Protestante ho objetivu atu hetan nafatin apoiu moral liuhosi orasaun.

“Agradese ba Igreja Protestante  ne’ebé fó ona sira nia apoiu moral ba PN nune’e bele sai liman ain ba povu liu-liu bele kria pás no estabilidade,” Aniceto realsa liuhosi komunikadu ne’ebé TATOLI asesu, ohin.

Lider Sínodu husu ba Prezidente PN Aniceto atu fó atensaun makas ba Timor-Leste nia fronteira rai maran, tanba iha fronteira oras ne’e ema tama sai livre.

Husu atensaun mós atensaun ba joven sira ne’ebé duranet lá hetan servisu, bainhira la fó atensaun afeta ba konflitu moral.

Nune’e mós meza Parlamentu nasionál tenke halo ezersísiu makas hodi halo nafatin aprosimasaun ba partidu hotu-hotu ne’ebé hetan asentu iha Parlamentu nasionál no atu tau as liu interese povu nian.

Antes hasoru malu ho lider protestante, Prezidente PN mós hasoru ho lider igreja katóliku sira hanesan Bispu Dioseze Dili Dom Virgílio da Silva, Bispu Dioseze Baukau Dom Basílio Do Nascimento no Bispu Dioseze Dom Alberto Araújo.

(Jornalista: Julia Chatarina)

(Editór : Manuel Pinto)

HUSIK IDA HATÁN