AJHN Aprejenta Organizasaun ba PR

0
149
Membru balun hosi Asosiasaun Juventude Hadomi Natureza (AJHN) bainhira hasoru Prezidente Repúblika, Francisco Guterres Lú Olo iha Palásiu Prezidente Nicolau Lobato Bairo Pite, ohin. Foto mídia PR

DILI, (TATOLI) – Asosiasaun Juventude Hadomi Natureza (AJHN) hasoru malu ho Prezidente Repúblika, Francisco Guterres Lú Olo  hodi aprejenta sira nian organizasaun.

ʺEnkontru ho Prezidente Repúblika hodi aprejenta ezisténsia no atividade organizasaun ne’ebé halo onaʺ, dehan Prezidente AJHN, Flaviano da Costa Silva ba jornalista sira hafoin sorumutu ho Xefe Estadu iha Palásiu Prezidensiál Nicolau Lobato Bairo Pite, ohin

Nia informa, Prezidente Repúblika sei fó apoiu atu prezerva ai-horis no fatin turizmu sira iha Timor-Leste. ʺDurante ne’e ami servisu hamutuk ho diresaun floresta hodi kuda ai-horis iha munisípiu Baukau no Hatubuiliku Ainaroʺ, katak.

Asosiasaun ne’e harii iha 2014 no hala’o ona atividade hanesan kuda ai-oan, sae foho, sosiál kultura no seluk tan.

Sira mós sei hala’o akampamentu nasionál ba datolu iha Baguia, munisípiu Baukau iha novembru.

Membru maihusi estudante universitáriu hanesan Universidade Nasionál Timor Lorosa’e, Universidade Dili, Universidade Pás, Universidade Orientál no seluk tan.

Jornalista: Agapito dos Santos

Editora: Rita Almeida

HUSIK IDA HATÁN