iklan

EKONOMIA, INTERNASIONÁL

Embaixadór Fransa Vizita PM

Embaixadór Fransa Vizita PM

Embaixadór Fransa iha Timor-Leste, Jean Charles Berthonnet kulia ba jornalista sira hafoin vizita kortezia ho Xefe Governu iha Palásiu Governu, Kuarta (11/10). Foto: Julia Chatarina

DILI (TATOLI) – Primeiru-Ministru no Ministru Dezenvolvimentu ba Reformas Institusionais, Marí Alkatiri hetan vizita kortezia husi Embaixadór Fransa iha Timor-Leste, Jean Charles Berthonnet ho ninia delegasaun iha Palásiu Governu, Kuarta (11/10).

Hafoin hasoru malu ho Xefe Governu, ba jornalista sira diplomata ne’e esplika hanesan vizita kortezia hafoin halo aprezentasaun nia kredénsia ba Prezidente Repúblika (PR), Francisco Guterres Lu-Olo.

“Vizita kortezia hafoin halo aprezentasaun ha’u nia kredénsia ba Prezidente Repúblika horisehik dadeer no agora ha’u iha oportunidade atu halo diskusaun ho Primeiru-Ministru konaba potensiál relasaun bilateral entre nasaun Fransa no Timor-Leste,” nia tenik

Mensiona hotu kona-ba projetu ekonomia ne’ebé involve kompañia Fransa sira, evaluasaun ba Uniaun Europeia (UE) nó mós projetu sira ne’ebé mak UE implementa.

Nune’e nia espera buat hotu di’ak ba governu foun ne’e, hodi implementa polítika ekonomia foun no estratéjia diversifikasaun, hodi nasaun Fransa bele iha oportunidade barak atu dezenvolve projetu bilateral konkretu para haforsa  dezenvolvimentu ekonomia iha Timor-Leste.

(Jornalista: Julia Chatarina)

(Editór : Manuel Pinto)

iklan
iklan

Leave a Reply

iklan
error: Content is protected !!