Tubaraun Iha Espésie 400 Maibé 12 Protejidu

0
75
Whale Sharks. Foto/google.

DILI (TATOLI)—Diretór Jerál Peska, Ministériu Agrikultura no Peska (MAP), Acácio Gutteres relata, ikan tubaraun iha tasi laran hamutuk espésie 400, maibé tama iha lista Tubaraun protejidu governu Timor-Leste nian iha espésie 12.

Espésie 12 ne’ebé protejidu iha Timor-Leste mak hanesan tuir mai ne’e; Tubaraun Kadoo, Makikit, Mutin, Koboy, Martelu ho naran Latina Spyrna Lewini no Tubaraun Martelu seluk ho naran Spyrna Mokarran,  Tubaraun Baleia, Fera, Espada Laho no Tubaraun Alopias Vupinus.

Bazeia fali ba referénsia sira ne’e, tuir nota informativu husi Commission on Internationál Trade in Endangered Species iha tubaraun 7 mak sai espésie protejidu mak hanesan whale sharks, great whale sharks, basking sharks, oceanic whitetip shark, porbeagle sharks, scalloped hammerhead sharksn no sawfish nomós tuir lista Regional Fisheries Management Organization (RFMOs/Indian Ocean Tuna Commission (IOCT) eziste espésie protejida tolu mak hanesan Pelagic Thresher, Bigeye Thresher, no Common Thresher.

Aleinde ne’e husi nasaun viziñu, Indonézia iha espésie Tubaraun ualu mak sai hanesan protejidu.

Tuir referénsia ne’ebé eziste iha tasi-laran ne’e mais ou menus de Tubaraun espésie 500. Iha balun de’it mak ita proteje ho razaun katak espésie ne’e tama iha perigu nian laran, amesa atu lakon. Ita servisu hamutuk ho ajénsia internasionál sira oinsá atu proteje espésie sira ne’e para mantein nafatin iha ita-nia tasi,” Acácio esplika iha Komoro, ohin.

(Jornalista : Maria Auxiliadora)

(Editór : Manuel Pinto)

HUSIK IDA HATÁN