Sibernétika Asegura Segredu Nasaun

0
76
Semináriu kona-ba: “A Segurança Cibernética Nacional”. Foto Tatoli: Rafy Belo

DILI, (TATOLI) – Vise-ministru Obras Públikas, Transporte no Telekomunikasaun, Inácio Morreira informa, importánsia husi seguransa sibernétika mak aparellu no atividade sira hotu ne’ebé uza informasaun no teknolojia tenke seguru.

Vise Ministru II Obras Publikas, Transportes no Komunikasaun (MOPTK), Inâcio Moreira

“Atu proteje ita-nia base de dados, proteje ita-nia server ruma ho base de dados ruma ne’ebé tau segredu nasaun nian”, informa tan Inácio Morreira iha Timor Plaza, ohin, bainhira partisipa semináriu kona-ba:“A Segurança Cibernética Nacional”.

Nia hateten, semináriu sira hanesan ne’e mak atu bele hakle’an ita-nia hanoin, ita-nia matenek kona-ba área ICT (Information and communications technology) ninian.

“Nune’e ba oin Timor mós bele asegura ona kualker informasaun ne’ebé ita halo ho sistema informátika ou ICT ninian ita bele seguru”, akresenta governante.

Vise-ministru MOPTK ne’e hatutan, envolvimentu husi ajénsia hotu, órgaun soberania hotu ne’ebé partisipa semináriu ne’e hein katak bele aproveita didi’ak kona-ba ICT.

La’ós ida ne’e de’it universidade sira mós, hanoin katak presiza duni fó atensaun atu halo diskuasaun ne’ebé kle’an, nune’e ba oin ne’e bele prepara kondisaun iha área informasaun no teknolojia ho didi’ak no loloos.

Nia kompara teknolojia ne’ebé sotisfikadu no avansadu liu ona. “Tanba ne’e ho semináriu sira hanesan ne’e ita bele troka ita-nia ideia liliu péritu sira ne’ebé iha, bele fó ona hanoin ruma atu nune’e ba oin ne’e bele iha ona kondisaun ruma  em termo de área informasaun no teknolojia,” nia esplika.

Hodi hateten nia parte mós interesadu ho sibernétika. “Ita hein katak sira ne’ebé partisipa bele iha ona inisiativa hodi bele haree”, nia espera.

Entretantu, semináriu ne’e hala’o durante loron rua no hetan partisipasaun másimu husi autoridade komunikasaun no teknolojia, estudante nomós prátikante informátika hamutuk ema na’in 120 resin.

Atividade ne’e rasik hala’o durante loron rua, hahú horseik no termina ohin ho péritu mai husi Indonézia, Japaun nomós seluk tan.

Jornalista: Rafy Belo

Editora: Rita Almeida

HUSIK IDA HATÁN