Primeiru Ministru Xina Kongratula Marí Alkatiri

0
132
Primeiru Ministru (PM) Xina, Li Keqiang. Foto: AFP

DILI, (TATOLI) – Primeiru Ministru (PM) Xina, Li Keqiang kongratura Xefe Governu Timor-Leste, Marí Alkatiri. 

Sita husi mídia Xinhua, iha mensajen Li hateten Xina no Timor-Leste hanesan viziñu di’ak ne’ebé halo ona parseiru kooperasaun komprensivu, inklui fó fiar ba malu no benifísiu mútua.

Nia dehan, tinan ikus nasaun rua ne’e sempre hasae konfiansa polítika, servisu hamutuk ne’ebé pragmátika, troka rekursu umanu, kultura, no relasaun bilaterál ne’e hatudu momentum di’ak ba dezenvolvimentu.

Hodi afirma, nia prontu atu dezenvolve relasaun servisu no amizade ne’ebé di’ak ho Alkatiri atu hamutuk hasae relasaun Xina no Timor-Leste no lori benifísiu barak ba nasaun rua ne’e.

Entretantu, Marí Alkatiri asume kargu PM no Ministru Dezenvolvimentu no Reforma Institusionál iha Governu Konstitusionál da-hituk ho periodu 2017 to’o 2022.

Jornalista: Julia Chatarina

Editora: Rita Almeida

HUSIK IDA HATÁN