Prezidente Repúblika Sei Lansa Moeda Sentavu 200

0
122
Prezidente BSTL, Abrão de Vasconselhos dadalia ho jornalista sira iha Palásiu Prezidente Nicolau Lobato.

DILI, (TATOLI) – Prezidente Repúblika, Francisco Guterres Lú Olo sei halo lansamentu ba moeda Timor sentavu 200 iha edifísiu Banku Sentrál Timor-Leste (BSTL), Akait, Dili, 13 setembru 2017.

Tanba ne’e, tersa dader ne´e, Prezidente Banku Sentrál Timor-Leste (BSTL), Abraão de Vasconselos ho membru administrasaun BSTL hala’o enkontru ho Prezidente Repúblika ho objetivu konvida Prezidente atu lansa moeda refere.

“Prezidente Repúblika sei haree hela nia tempu tanba iha hela ámbitu formasaun governu ninian no karik programa formasaun governu ne’e la soke ajenda lansamentu, Prezidente maka sei prezidi seremónia lansamentu ne’e”, Abrão dehan kestaun ne’e ba jornalista sira iha Palásiu Prezidente Nicolau Lobato, Bairu-Pité, Dili.

Iha sorumutu ne’e, nia haktuir, Prezidente Repúblika mós hakarak hatene situasaun fundu petrolíferu no prosesu implementasaun sistema garantia ba kréditu.

Jornalista: Xisto Freitas

Editora: Rita Almeida

HUSIK IDA HATÁN