Prezidente Repúblika Kansela Viajen ba Nova Iorke

0
267
Premiadu Nobel ba Dame, Ramos Horta hasoru malu ho Prezidente Repúblika, Francisco Guterres Lú Olo iha Palásiu Prezidensiál Nicolau Lobaro Bairo Pite, ohin. Foto mídia PR

DILI, (TATOLI) – Prezidente Repúblika, Francisco Guterres Lú Olo kansela ninia viajen ba Nova Iorke, nune’e delega José Ramos Horta mak sai enviadu espesiál hodi partisipa asembleia Jerál Organizasaun Nasoen Unida (ONU).

Razaun Xefe Estadu kansela tanba okupadu hela ho prosesu formasaun Governu Konstitusionál da-hituk.

“Prezidente Repúblika lakohi husik hela Timor Leste, enkuantu seidauk iha formasaun governu ho klarifikasaun tanba ne’e, Prezidente husu ha’u nu’udar Prezidente nia enviadu espesiál”, dehan Ramos Horta ba jornalista sira iha Palásiu Prezidánsial, Bairo-Pite, ohin.

Tanba ne’e, enviadu espesiál Prezidente Repúblika sei ba lee de’it diskursu ne’ebé mak preparadu ona.

Ho nunee’, enviadu espesiál ne’e sei aranka ba Nova Iorke iha loron sábadu, (16/9) fulan-setembru.

Reuniaun Konsellu Seguransa ONU ko’alia kona-ba operasaun pás iha mundu ne’ebé lidera hosi nia nu’udar premiadu nobél ba dame, Sekretariu Jerál ONU, António Guterres no Prezidente Uniaun Afrikana, Moussa Faki.

Enkuantu reuniaun espesiál ne’e ko’alia mós kona-ba relatóriu ne’ebé halo uluk nu’udar Xefe Prezidente Painél Altu Nivél Operasaun Páz.

Jornalista: Zezito Silva

Editora: Rita Almeida

HUSIK IDA HATÁN