Prezidente Repúblika Apela Atu Garante Estabilidade Governativa

0
163

DILI, (TATOLI) – Prezidente Repúblika, Francisco Guterres Lú Olo kontinua apela atu garante pás, estabilidade governativa no polítika hotu.

“Ha’u hateten, Xefe Governu ba VII Governu Konstitusionál ne’ebé nomeiadu ohin sei iha risku kuandu governu ida ukun ho minoria liuhosi koligasaun partidu rua ne’ebé hamutuk kadeira 30 iha parlamentu”, dehan nia ba jornalista sira iha Palásiu Prezidensiál Bairo-Pite, ohin.

Nia hatutan, risku ba Primeiru Ministru normalmente bele akontese hosi lidun ida eh rua katak to’o orsamentu no programa governu la liu ba dala-rua tutuir malu mak governu monu.

Kuandu monu tenke halo fila fali formasaun foun ba VIII Governu maibé kuandu la konsege forma, entaun Prezidente Repúblika disolve parlamentu hodi konvoka eleisaun antesipada, enkuantu, sé mak atu hola benefísiu ba ida ne’e.

Enkuantu, tomada pose ba Primeiru Ministru no estrutura VII Governu Konstitusionál, nia dehan, Xefe Governu nomeadu ona no nia halo hela servisu nafatin kona-ba formatu governu nian, sé mak atu sai ministru, visé ministru no seluk tan.

“Horseik ha’u hateten ba Primeiru Minstru indijitadu atu bele harii lalais governu”, haktuir nia.

Kuandu formatu governu laduak hotu pelumenus ministériu ne’ebé importante bele iha tempu besik nia laran hetan ona tomada pose no sira seluk sei hola tempu nafatin atu hetan pose ikus.

Jornalista: Zezito Silva

Editora: Rita Almeida

HUSIK IDA HATÁN