PR Sei Nomeia Domingos no Tomé Ba Membru KSDP

0
935
Eis Ministru Justisa, Domingos Maria Sarmento no dosente Fakuldade Direitu UNTL, Tomé Xavier Gerónimo, ko´alia ba jornalista sira iha Palásiu PR, ohin dadér. Imajen Mídia Palásiu PR.

DILI (TATOLI)—Prezidente Repúblika (PR), Dr. Francisco Guterres Lú Olo sei nomeia Eis Ministru Justisa, Domingos Maria Sarmento no dosente Fakuldade Direitu UNTL, Tomé Xavier Gerónimo sai membru Konsellu Superior Defensoria Públika (KSDP).

Konsellu Superior Defensoria Públika nu´udar advogado públiku ne´ebé atu defende sidadaun kbiit laek sira Tribunál ba kazu sivíl ho kazu kriminál.

Enkontru entre Prezidente Repúblika, Dr. Francisco Guterres Lú Olo ho Eis Ministru Justisa, Domingos Maria Sarmento no dosente Fakuldade Direitu UNTL, Tomé Xavier Gerónimo, iha Palásiu PR, ohin dadér. Imajen Mídia Palásiu PR.

“Ami na´in rua sei ba halo parte iha membru Konsellu Superior Defensoria Públika hodi buka hadi´a ka mellora Defensoria Públika atu oinsá maka bele fó asisténsia legál ba sidadaun sira iha tribunál,” Domingos Sarmento hato´o informasaun ne´e ba jornalista sira iha Palásiu Prezidente Nicolau Lobato, Bairu-Pité, Dili, sesta ne´e, hafoin enkontru ho Xefe Estadu Lú Olo.

Nia haktuir, Defensoria Públika ne´e harii hosi Ministériu Justisa dezde Primeiru Governu Konstitusionál no ohin lorin Defensoria Públika dezenvolvidu ona. Prezidente Repúblika sei halo Dekretu Prezidensiál molok hili ema na´in rua ne´e. (Jornalista: Xisto Freitas)

HUSIK IDA HATÁN