PNTL Redus Ona Kazu 19

0
69
Komandante Jerál Polísia Nasionál Timor-Leste (PNTL), Komisáriu Júlio da Costa Hornay ho nia adjuntu Komandante Jerál PNTL, Komisáriu Faustino da Costa, bainhira dadalia ho jornalista sira iha Palásiu Prezidente Nicolau Lobato, ohin meiudia.

DILI, (TATOLI) – Polísia Nasionál Timor-Leste (PNTL) konsege redús ona kazu asidente tráfegu hamutuk 19 hosi totál kazu 175 ne’ebé akontese iha teritóriu Timor laran tomak iha tinan ne’e.

Informasaun ne’e hato’o hosi Komandante Jerál Polísia Nasionál Timor-Leste (PNTL), Komisáriu Júlio da Costa Hornay ba jornalista sira iha Palásiu Prezidente Nicolau Lobato, Bairu-Pité, Dili, kinta ne’e, hafoin informa situasaun jerál iha Timor laran ba Prezidente Repúblika, Francisco Guterres Lú Olo.

Nia esplika kazu ne’e redus tanba Ofisiál Polísia Suku (OPS) halo sosializasaun regra tránzitu ba sosiedade sira, alunu sira iha eskola no iha prosesu sosializasaun ne’e komunidade entende saida maka regra tránzitu.

Iha biban ne’e, Prezidente Repúblika apresia tebes serbisu PNTL no F-FDTL ne’ebé asegura estabilidade hahú hosi kampaña parlamentár to’o ohin loron situasaun la’o hakmatek tebes. Xefe Estadu husu forsa rua ne’e  atu mantein serbisu di’ak ida ne’e ba nafatin.

Jornalista: Xisto Freitas

Editora: Rita Almeida

HUSIK IDA HATÁN