PN Hili Tiha Ona Xefe Bankada

0
505

DILI (TATOLI)—Partidu Polítiku  FRETILIN, CNRT, PLP, PD no KHUNTO Sexta ohin hili ona ninia xefe bandaka no Vize  iha parlamentu nasionál hodi lidera bankada durante IV lejislatura (2017-2022).

Prezidente  Bankada husi Partidu lima ne’e hanesan Francisco Miranda Branco husi FRETILIN, CNRT mak Arão Noe de Jesus Amaral, Fidelis Magalhaés husi Partidu Libertasaun Popular, Maria Terezeinha Gusmão,  PD no Armanda Berta dos Santos, KHUNTO.

Vize  Prezidente  Bankada FRETILIN, Josefa Pereira Soares, Faústo Freitas da Silva, CNRT primeiru Vize  Maria Terezinha Viegas no Jacinto Rigoberto Gomes de Deus nu’udar segundu Vize , Maria Angelina Sarmentu husi PLP, Adriano do Nascimento  PD no Khunto Luis Roberto da Silva.

Prezidente  Bankada PLP Fidelis Magalhaés hateten, Partidu PLP sei hola parte iha komposizaun komisaun  permanenti A to’o G PN.

ʺPLP sei tama hotu iha komisaun hitu iha ne’e no iha komisaun G maka PLP nia ema nain rua,ʺʺdehan Prezidente  PLP iha Uma fukun PN Sexta Ohin (08/09).

Vize  Prezidente  Bankada CNRT, Jacinto Rigoberto Gomes de Deus hateten,Partidu CNRT foti ona desizaun  hodi la involve iha meja PN.

ʺPartidu CNRT iha konfrensia foin lalais deside nudar oposizaun no orientasaun partidu rasik atu la hola fatin iha meja parlamentu,ʺkatak Nia.

(Jornalista Agapito dos Santos).

(Editór : Manuel Pinto)

HUSIK IDA HATÁN