PN Halo Eleisaun ba Membru KE no KF-SNI

0
157
Atividade Parlamentu Nasionál. Foto dokumentasaun relasaun públika PN

DILI (TATOLI) – Parlamentu Nasionál (PN) ohin, liuhusi eleisaun, hili ona membru Konsellu Estadu (KE) hamutuk nain lima no Konsellu Fiskalizasaun (KF) ba Servisu Nasionál Informasaun (SNI) hamutuk nain rua.

Eleisaun ba KE passa ho votu a favor 59, kontra 0 no abstensaun 2, nune’e membru KE eleitu mak Aurora Ximenes ema hosi partidu (FRETILIN), Virgilio da Costa Hornay (PD), Virgilio Smith (CNRT), Andre Belo (PLP) no José dos Santos (KHUNTO).

Entretantu, kriasaun KE bazeia ba artigu 90 konstituisaun RDTL katak konsellu ne’e hanesan Prezidente Repúblika (PR) nia órgaun ba konsulta polítika ne’ebé Xefe Estadu rasik mak deside.

Nune’e mós eleisaun ba konsellu fiskalizasaun servisu nasional informasaun ho lista únika passa ho votu afavor 59, kontra 0 no abstensaun 4.

Membru sira ne’e mak deputadu Antoninho Bianco (FRETILIN) no Duarte Nunes (CNRT) mak eleitu.

Jornalista: Julia Chatarina

Editora: Rita Almeida

HUSIK IDA HATÁN