ONU Husu Myanmar Hakotu Violénsia Hasoru Rodiña

0
34
Sekretáriu Jerál ONU, Antonio Gutteres

DILI (TATOLI)—Sekretáriu Jerál ONU, Antonio Gutteres afirma, krusiál tebes ba Myanmar hodi muda sira nia polítika kona-bá sidadaun Rodiña. Tuir Gutteres, Myanmar tenke deside ona statuta sidadaun Rodiña antes situasaun ne’e sai estrañu liu tan.

Antonio Gutteres konsidera serteza ba estatutu Rodiña importante tebe-tebes, basa ho estatutu sidadaun Rodiña bele moris livre hodi hala’o nia servisu no hetan edukasaun iha sira nia moris.

“Istória diskriminasaun naruk tebes, inserteza, pobreza estrimu tebes iha Rakhine. Ha’u husu ba autoridade sivíl tantu militár Myanmar atu hakotu ona violénsia ida ne’e,” Antonio Gutteres hato’o ba Associated Press foin lalais, no TATOLI asesu hosi liputan6.com.

Nia dehan, sidadaun Rodiña nia susar no terus kleur tebes ona. se kompara karik dodok ona mós, hodi ikus mai fó konsekuénsia ba désestabilidade rejionál nian. Tanba ne’e, nia husu atu governu Myanmar toma atensaun ba krize ne’e hodi hakotu lalais, basa krize umanidade ne’e akontese kedan hosi loron 25 Agostu 2017.

“Autoridade Myanmar tenke halo asaun firme hodi hakotu violénsia no kria estabilidade inklui fó tulun ba parte sira ne’ebé presiza tulun,” Gutteres fó hanoin.

Entertantu Timor-Leste liuhosi Movimentu Solidariedade Internasionál Timor-Leste (MSITL) hato’o sentidu solidariedade ba komunidade Rodiña, iha Myanmar (Burma).

Hodi konsidera asaun violénsia sira ne’ebé akontese hasoru komunidade Rodiña husi forsa militár Myanmar sira ne’e hanesan trajédia ida kontra umanidade.

(Ekipa Redasaun)

 

HUSIK IDA HATÁN