Núnsiu Apostóliku Vatikanu Vizita Primeiru Ministru

0
474
Núnsiu Apostóliku Vatikanu ba Timor-Leste Joseph Salvador Marino, ohin vizita Primeiru Ministru, Marí Alkatiri iha Palásiu Governu. Foto GPM

DILI, (TATOLI) – Loron dahuluk hakna’ar iha Palásiu Governu, Primeiru Ministru (PM) no Ministru Dezenvolvimentu no Reforma Institusionál, Marí Alkatiri simu bainaka husi reprejentante Vatikanu iha Timor-Leste, Joseph Salvador Marino iha nia kna’ar fatin, kuarta (28/9).

“Ha’u simu pedidu mai husi Ministériu Negósiu Estranjeiru, atu Bispu Apósliku Vatikanu nia hakarak hasoru malu ho ha’u, sira mai hanesan reprezentante husi Vatikanu”, tenik xefe governu ba jornalista sira iha Palásiu Governu hafoin simu Núnsiu Apostóliku, Joseph Salvador Marino.

Nune’e xefe governante ne’e esplika, delegasaun husi vatikanu mai fó parabéns tanba simu fali kna’ar hanesan Primeiru Ministru no deklara kedas katak relasaun entre Timor-Leste, Vatikanu nomós igreja Katóliku di’ak.

Jornalista: Julia Chatarina

Editora: Rita Almeida

HUSIK IDA HATÁN