Naimori Enkontru ho Primeiru Ministru

0
2006
Konsileiru Superiór Partidu Kmanek Haburas Unidade Timor Oan (KHUNTO), José dos Santos Naimori Bucar, ko´alia ba jornalista sira iha Palásiu Prezidente Nicolau Lobato, foin lalais ne´e.

DILI (TATOLI)—Konsileiru Superiór Partidu Kmanek Haburas Unidade Timor Oan (KHUNTO), José dos Santos Naimori Bucar hala´o enkontru ho Primeiru Ministru, Dr. Marí Alkatiri iha Palásiu Nobre Lahane, Dili, tersa ne´e.

“Hanesan nasaun ida, ita tenki respeita ita nia Xefe Governu. Signifika katak Xefe Governu ne´e ba partidu hotu-hotu, la´ós ba de´it partidu koligasaun no opozisaun. Tanba ne´e, nu´udar líder partidu, iha sentimentu umanu mai hato´o parabens ba Primeiru Ministru,” Naimori hato´o informasaun ne´e ba jornalista sira iha Palásiu Nobre, hafoin enkontru ho Marí Alkatiri.

Kona-ba koligasaun ho FRETILIN, nia hatán, atu hamutuk ka lae ne´e la´ós ema ida ka rua nia desizaun maibé inklui ema barak iha partidu. Maibé, ho ansi, nia lakohi fó komentáriu kle´an kona-ba prosesu koligasaun ba jornalista sira.

“Ha´u senti, nu´udar timoroan, ita hotu tenki kria estabilidade no koopera hamutuk atu lori nasaun ne´e ba oin,” Naimori informa.

(Jornalista: Xisto Freitas)

(Editór : Manuel Pinto)

HUSIK IDA HATÁN