MKIA Hahú Orienta Planu Programa

0
146
Ministru Komérsiu Indústria no Ambiente (MKIA), António da Conceição. Foto Antonio Goncalves

DILI, (TATOLI) – Ministru Komérsiu Indústria no Ambiente (MKIA), António da Conceição hatete Primeiru-Ministru, Marí Alkatiri fó ona instrusaun ba membru Governu sira katak atu kaer ministériu tenke prepara ninian objetivu estratéjiku ba tinan lima nian, nune’e iha MKIA hahú halo ona orientasaun atu halo preparasaun programa ba tinan lima nian no buat importante iha atividade komérsiu nian mak tenke estabelese relasaun ida ne’ebé fortifika empreza nasionál.

Tanba empreza nasionál mak sei dezenvolve komérsiu iha Timor-Leste no la’ós Governu maibé Governu regula polítika, halo polítika atubele regula atividade komérsiu.

“Komérsiu atu la’o empreza nasionál tenke forte no sira mak tenke kria empregu ba ita-nia ema sira, nune’e ita-nia ekonomia bele la’o tanba ne’e mak ha’u-nia prioridade ida primeiru, dezenvolve parseria ho setór privadu nasionál no halo ligasaun entre setór privadu nasionál no banku dezenvolvimentu ne’ebé mak sei mai, aumezmu tempu Banku Nasionál Komérsiu Timor-Leste nian tenke iha ligasaun forte”, António informa iha Timor Plaza, horisehik.

Seluk mak halo kapitalizasaun signifika Governu tau osan atu empreza nasionál sira hetan finansiamentu, nune’e bele dezenvolve sira-nia atividade komersiál para bele kontribui ba merkadu nian.

“Ita agora ne’e dependente tebes ba importasaun, buat hotu-hotu ita lori, enkuantu produsaun agríkola ita mós bele iha ona produsaun mak natoon atubele fortifika ninia merkadu nasionál nian, maibé ita hatene buat hotu importadu hela”.

Entaun estabelesimentu sentru prosesamentu alimentár, ministru António tau hanesan prioridade atu hahú ona kapta produtu ne’ebé mak produsaun agríkola sira hodi halo prosesamentu.

Jornalista: Maria Auxiliadora

Editora: Rita Almeida

HUSIK IDA HATÁN