MAE Hakarak Dezenvolve Dili Sai Sidade Metropolitan

0
381
Ministru Administrasaun Estatal, Valentim Ximenes.

DILI, (TATOLI) – Ministru Administrasaun Estatál, Valentim Ximenes hateten durante ninia mandatu sei dezenvolve Kapitál sai sidade metropolitaun hanesan ho sidade seluk iha mundu.

Tuir sensu uma kain  2014  rejista populasaun 296,612 maka hela iha kapitál maske seidauk implementa polítika urbanizasaun hodi kria dezenvolvimentu ida organizadu hodi hafurak imajen sidade Dili.

Tanba ne’e antes atu implementa polítika ne’e, Valentim Ximenes informa,  Primeiru Governu sei muda estatutu sidade Dili ne’ebé durante ne’e hanesan munisípiu ba sidade metropolitan.

“Objetivu maka atu halo sidade buras liu, hala’o ordenamentu do teritoriu furak liu para ema rai liur mai apresia kapitál ida mós, organizadu, ordenadu no seluk tanʺ, dehan ministru iha Palásiu Nobre Lahane, foin lalais ne’e.

Alende ne’e, sei konsentra ba reformasaun politíka, administrasaun públika no lokál hodi moderniza instituisaun.

ʺHarii munisipiu no hala’o eleisaun ba prezidente no kamára munisipál foun, harii zona espesiál ou rejiaun ho ninia konsentrasaun administrasaunʺ, tenik.

Jornalista: Agapito dos Santos

Editora: Rita Almeida 

HUSIK IDA HATÁN