Maduru Iha Polítika, Horta Kongratula PD

0
408
Primeiru-ministru, Rui Maria Araújo akompaña ho eis-prezidente, José Ramos Horta no Ministru Edukasaun, António da Conceição iha kongresu nasionál edukasaun datoluk. Foto: GPM

DILI (TATOLI)-Fundadór ida ba Repúblika Demokrátika Timor-Leste, José Ramos Horta kongratula PD (Partido Democrático) ho lema “Harii Nasaun Husi Baze” nia maturidade polítika.

“Parabéns ba PD, partidu ida ne’ebé mak joven tinan 15 nia laran ona. Anin boot, udan boot, rai nakdoko sira aguenta e manan,” eis-prezidente ne’e kongratula, iha Uma Amérika, Kampus Resende, Universidade Nacional Timor Lorosa’e (UNTL), ohin.

Diplomata senior ne’e reforsa, PD, partidu jerasaun foun iha duni prioridade. Loron hirak nia laran, haree sira halo negosiasaun ho FRETILIN (Frente Revolucionário de Timor-Leste Independente)  ne’ebé lidera husi Mari Alkatiri husi ho sentidu hanesan ema ne’ebé mak iha maturidade duni.

“Sira hatene ko’alia, sira hatene halo negosiasaun, hatudu umildade.Tanba ne’e, Mari Alkatiri admira sira,” premiadu novel paz nian iha 1996 ho amu Dom Carlos Filipe Ximenes Belo ne’e nia konta tuir.

“Ha’u hanoin partidu PD no FRETILIN sei ba oin, depois hanesan Mari Alkatiri hateten, odamatan loke nafatin ba partidu seluk ou elementu independente mós bele kolabora,” nia dehan.

(Jornalista: Rafy Belo)

(Editór : Manuel Pinto)

HUSIK IDA HATÁN