Líder Singapura Hato’o Parabéns Primeiru Ministru

0
107
Primeiru Ministru Singapore, Lee Hsien Loong. Foto: TOC

DILI, (TATOLI) – Primeiru Ministru (PM) Singapura, Lee Hsien Loong hakerek karta kongratulasaun ba Xefe Governu foun, Marí Alkatiri tanba asume ona kargu hanesan Xefe Ezekutivu Timor-Leste.

Sita husi mídia Channels NewsAsia, iha karta ne’e Lee hateten, Timor-Leste hakat ona passu boot desde hetan independénsia iha tinan 2002, no Alkatiri hanesan líder ida ne’ebé kontribui ona desde asume kargu PM iha tinan 2002, hafoin sai nu’udar Prezidente autoridade Oe-Cusse.

Nia mós realsa relasaun di’ak entre nasaun Singapura no Timor-Leste. “Ami nia amizadade iha ona antes independénsia, hanesan nasaun kiik ami iha interesse hodi hamutuk harii kooperasaun bilaterál no forum multilaterál ne’ebé di’ak”.

Hodi dehan tan, Singapura iha kompromisu nafatin atu prepara dezenvolve kapasidade ba Timor-Leste liuhosi kooperasaun entre nasaun rua ne’e.

Biban ne’e, Lee mós konvida Alkatiri hodi halo vizita ba Singapura.

Jornalista: Julia Chatarina

Editora: Rita Almeida

HUSIK IDA HATÁN