Koligasaun, KHUNTO ‘Divorsiu’ Ho Fretilín

1
458
Konselleiru partidu KHUNTO ho estrutura dadalia ho jornalista sira hafoin enkontru ho Xefe Estadu. Foto Tatoli/Egas Cristovao

DILI (TATOLI)—Partidu Kmanek  Haburas Unidade Nasionál Timor Oan (KHUNTO) deside retira hosi koligasaun ho partidu mais votandu Fretilín hodi forma VII Governu Konstitusionál ba períodu 2017-2022.

Konsileiru Partidu KHUNTO José do Santos Naimori Bucar hateten, desizaun retira obrigadu KHUNTO tenke halo tanba Partidu Fretilín la konsidera prinsipiu partidu KHUNTO nian.

ʺPrimeiru tenki kopera malu, respeita malu, entre lideransa partidu sira, ami kopera ho kualker partidu, ho partidu fretilín ami hein fulan ida to’o horiseik  no ohin partidu fretilín la koopera ho ami ho ida ne’e ami hola desizaun hodi sai oposizaun,ʺ Naimori lamenta iha Konfrensia Imprensa, Kinta (14/09) iha Surikmas Dili.

Maske dada an ona hosi koligasaun tanba mosu dézentendimentu entre Fretilín ho KHUNTO maibé ba interese nasionál liu-liu atu hametin pás no estabilidade, KHUNTO promete sei fó kontribuisaun ba Estadu no Governu maske la involve iha governasaun.

Entertantu Naimori mós la haluha fó parabens ba pozisaun Sekretáriu Jerál Mari Alkatiri ne’ebé hetan ona fiar hosi Prezidente da Repúblika, Francisco Guterres Lú Olo hosi sai nu’udar Xefe Governu iha VII Governu durante mandatu tinan lima mai.

ʺAmi fó parabens ba Mari Alkatiri mesmu ami la tama iha Governu maibe ami fó apoiu nafatin atu kria estabilidade ba povu iha nasaun ida ne’e, atu lidera nasaun ne’e ho di’ak,ʺ Naimori hato’o.

Iha parte seluk, tanba KHUNTO retira ona hosi koligasaun ho Fretilín oras ne’e dadaun partidu Fretilín nian aliadu ba VII Governu mak Partidu Demokratiku (PD).

Forsa Koligasaun Fretilín ho PD iha parlamentu nasionál iha 30 kadeiras, entertantu opozisaun iha IV lejizlatura nia asentu hamutuk 35 kadeiras kompostu hosi Partidu CNRT ho asentu 22 kadeiras, Partidu Libertasaun Popular (PLP), asentu parlamentar 8, KHUNTO 5.

(Jornalista:Agapito dos Santos).

(Editór : Manuel Pinto)

1 COMMENT

  1. HAU TAN OAN LA METE MAS CASO IDA NE’E, MAIBE ATAN OAN HAU NUDAR TIMOR LORO SA’É NIA OAN FO AN BA MATE E HAN TIRU NO TUKU TEBE MATE TIHA MAK MORIS IHA, E MATE RESTO 12 DE NOVEMBRO DE 1991, NEBE ORAS NE IHA PORTUGAL GOVERNO XANANA NIA HALUHA TIHA E NUNCA BUKA HATENE, KATAK TIMOR LORO SA’É OAN IDA BE MATE RESTO 12 DE NOVEMBRO 1991 MAK ORAS NE’E ESTUDA HELA IHA PORTUGAL, HEIN MAKA HEN AJUDA IDA MOS LA MAI, GOVERNO XANANA NIA HAKARAK LARE DEIT EMA SIRA OUTONOMISTA BE ULUK KAER XANANA FO LIAN FUAN BOSOK BA TENTARA INDONESIA, HODI BA KASTIGO IHA CIPINAN JAWA INDONESIA, EMA SIRA NE’E NIA FO VALOR FALI, EMA IDA HANESAN ATAN OAN HAU NIA LA FO VALOR, SE LA HODI 12 DE NOVEMBRO 1991 ENTÃO TIMOR LORO SA’É LA HETAN OU BELE HETAN MAS SEI KLEUR OU SEI MATE MOHU HOTU SE LA HANESAN IRIAN JAYA, PASUKAN OU TENTARA KOPASSOS SIRA MAK BARAK TIHA TIMOR-TIMUR.

    HATO’O DEIT ATAN OAN HAU NIA LIA FUAN KATAK :
    HALO KOLIGAÇÃO HO PARTIDO MAI VOTADO (PARTIDO FRETELIN) LA BELE HEIN FALI ATU FO CONVITE, NUDAR TIMOR OAN ATU DESENVOLVER RAI DOBEN TIMOR LORO SA’É, TENQUE BA APRESENTA AN NUDAR PARTIDO NEBE ATU HALO KOLIGAÇÃO, LABELE HEIN, P. KHUNTO LA MARCA NIA PRESENÇA IHA REUNIÃO NEBE ATU ATU HATO’O ASPIRAÇÃO, NE’E HO LINGUA PORTUGUES DEHAN APROVADO, NE’E PARTIDO KHUNTO LA PARTENCI ONA OU FORA DA LINHA DA COLIGAÇÃO.

    VIVA PARTIDO FRETELIN, E VIVA KAMARADA DR. MARY ALCATIRI OU VIVA KAMARADA FRANSISCO GUTERRES-LU-OLO. MATE KA MORIS UKUN RASIK AN, P. FRETELIN HALO E HATUDO BA MUNDO KATAK NO HATENE P. RETELIN MAK DUNI TIMOR-TIMUR BA TIMOR LESTE OU TIMOR LORO SA’É. VIVA P. FRETELIN.

HUSIK IDA HATÁN