Kestaun FM, Prezidente Sesante PN Fó Parabéns Ba Xanana

0
239
Deputadu hosi bankada CNRT, Xanana Gusmão konversa ho deputadu Rui Maria de Araújo hosi bankada FRETILIN iha plenária dahuluk lejislatura da-haat. Foto Tatoli/António Goncalves

DILI, (TATOLI) – Prezidente sesante Parlamentu Nasionál (PN), Aderito Hugo da Costa fó parabéns ba Xefe Negosiadór Prinsipál Fronteira Marítima (FM), Kay Rala Xanana Gusmão tanba ho esfórsu tomak bele fó rezultadu di’ak ba nasaun nia soberania.

“Obrigadu ba Maun Boot Kay Rala Xanana Gusmão ho nia ekipa tomak ne’ebé esforsu hodi luta ba nasaun nia soberania fronteira marítima”, hateten Aderito Hugo bainhira lidera plenária dahuluk iha lejislatura da-haat PN, tersa (5/9).

Nia hato’o obrigadu ba partidu polítiku iha lejislatura da-toluk tanba apoiu hotu ne’ebé fó bele konkretiza objetivu povu nian liuhosi fronteira marítima.

Nia ho laran metin katak deputadu paritidu foun iha PN haree mós vitória fronteira marítima signifika sira sei fó apoiu tomak ba objetivu nasionál atu sai realidade.

Nia apresia ba povu Timor-Leste no Australianu nia apoiu ba nasaun nia independénsia no nia konkretizasaun ba vitória boot ba Timor-Leste iha asuntu fronteira marítima.

Antes ne’e, Xefe Negosiadór Fronteira Marítima, Kay Rala Xanana Gusmão informa saida mak ita hakarak ita hetan ona maibé prosesu mak seidauk hotu.

Enkuantu, hosi agora to’o outubru sei kontaktu malu fali hodi ko’alia ho komisaun atu estuda testu tratadu nian. Sei troka malu karta, hanoin tanba iha 19 to’o 23 outubru mak iha enkontru ida iha Deenhaag, Holanda atu aprova testu mak hotu ona. 

Jornalista: Zezito Silva

Editora: Rita Almeida

HUSIK IDA HATÁN