Inácio Moreira Relata Projetu MOPTK ba Primeiru Ministru

0
522
Vise-Ministru Obra Públika, Transporte no Telekomunikasaun II, Inácio Freitas Morreira. Foto/António Gonçalves.

DILI, (TATOLI) – Vise Ministru Obrás Públikas Transporte no Komunikasaun (MOPTK) sesante, Inácio Freitas Moreira, ohin, relata projetu servisu hanesan atu harii portaun ba ró Haksolok ba Primeiru Ministru, Marí Alkatiri iha Palásiu Nobre Lahane, Dili.

Portaun tolu ne’e sei harii iha Oe-Cuse, Ataúro no Dili hodi fasilita movimentu ba operasaun ró Haksolok. “Bainhira ró ne’e mai mak fasilidade la kompletu entaun labele halo operasaunʺ, dehan nia ba jornalista sira hafoin hasoru malu.

Dezeñu portaun Dili nian foin finaliza tanba ne’e, ohin aprejenta ba Xefe Exekutivu hodi hetan aprovasaun atu Komisaun Nasionál Aprovizionamentu loke tenderizasaun ba públiku. “Ró ne’e sei to’o iha Timor iha fim do anoʺ, akresenta.

Ró haksolok lansa ona husi Xefe Governu, Mari Alkatiri iha loron 26 maiu 2017 iha Tasi Figuiera Portugal ne’ebé ho ninia medida naruk metru 71,30 no kapasidade atu tula passajeiru 377 ho kareta 25. Viajen ba Haksolok maka Oé-Cusse Dili, Dili Atauro no Atauro Oé-Cusse.

Orsamentu husi Governu Timor-Leste no hetan ajuda husi governu Alemaña provolta Euro 14 milloen.

Mandatu governu da-neen remata ona maibé ministru sesante ne’e konsidera hanesan obrigasaun atu fó apoiu ba Estadu atu dezenvolve Nasaun ne’e, seidauk serteza ninia naran tama iha lista governu foun.

Jornalista: Agapito dos Santos

Editora: Rita Almeida

HUSIK IDA HATÁN