IFTL Aprezenta Kultura Timoroan

0
46

DILI (TATOLI)-Peskizadór Franses no timoroan sira ne’ebé halibur aan iha Insitutu Français Timor-Leste (IFTL), aprezenta sira-nia rezultadu deskoberta kona-ba buat furak sira ne’ebé sei subar iha kultura timoroan sira nian liuhusi semináriu.

Aprezentasaun ne’e hala’o iha salaun Fundação Oriente, Acait-Díli, ohin ho interveniente nasionál nomós internasionál sira.

Interveniente sira ne’e mak Dominique Guillaud aprezenta kona-ba: “Quais abordagens dos patrimónios locais”, Jean Crhistope Gallipaud aprezenta kona-ba: “Patrimónios do Passado em Timor-Leste”, Laure Emperaire aprezenta kona-ba: “A biodiversidade: um património cultural” no Irta Sequeira Barris de Araújo aprezenta kona-ba: “Os valores tradicionais na preservação do meio ambiente em Timor-Leste”.

Seluk tan mak hanesan, Nuno da Silva Gomes aprezenta kona-ba: “Poesia de tradição oral como património cultural de Timor-Leste”, Miguel Maia Martins aprezenta kona-ba: “Património de lugares em Timor-Leste” nomós Vicente Paulino aprezenta kona-ba: “A casa e a cidade: uma abordagem epistimológica em torno do património cultural timorense”.

Entretantu tema ba semináriu ne’e mak Perspetiva Patrimoniais, Saberes Locais e Globais. Partisipante ba semináriu ne’e mak komunidade akadémika  sira nomós públiku enjerál ho kategória gratuita.

Semináriu ne’e halo abertura husi diretora jerál, Sekretáriu Estadu Arte no Kultura (SEAK), Cecília de Assis.

Eventu ne’e rasik organiza tan kolaborasaun mós ho Unidade Peskiza no Diseminasaun Koñesimentu (UPDK), Universidade Nasionál Timor Lorosa’e (UNTL), embaixada França ba Timor-Leste no Indonézia.

Nune’e mós, PALOC-Patrimoines locaux et gouvernance, Institut de recherche pour le développement (IRD), Observatoire des Patrimoines de Sorbonne Universités (OPUS) no Fundação Oriente nomós entidade seluk tan.

(Jornalista: Rafy Belo)

(Editór : Manuel Pinto)

HUSIK IDA HATÁN