iklan

Uncategorized

Horta Simu Pedidu SekJer ONU sai Grupu Altu Nivel

Horta Simu Pedidu SekJer ONU sai Grupu Altu Nivel

Ministru Konsellu ba Seguransa Nasionál, José Ramos Horta informa ninia vizita servisu ba Nova Iorke ba Primeiru Ministru, Marí Alkatiri iha Palásiu Nobre Lahane. Foto GPM

DILI, (TATOLI) – Premiadu Nobel Dame nian, José Ramos Horta hateten simu ona pedidu Sekretáriu Jerál Organizasaun Nasoens Unida (ONU),  António Guterres  hodi sai grupu altu nivel ba mediasaun iha ONU durante ninia mandatu.

ʺFoin dadauk Sekretáriu Jerál ONU konvida ha’u atu hola parte grupu ida altu nivel ba mediasaun durante tinan ruaʺ, informa Horta ba jornalista sira iha Palásiu Nobre Lahane, ohin.

Alende ne’e, eis ministru negosiu estranjeiru no kooperasaun ne’e simu mós pedidu husi Prezidente Asembleia ONU hodi sai konselleiru durante tinan ida. “Ha’u simu todan rua iha Nova Iorkeʺ, akresenta.

Nia esplika, kna’ar ne’ebé sei halo maka oinsá atu fó  akonsellamentu ba Sekretáriu Jerál ONU  hodi rezolve probema boot ruma bainhira mosu iha mundu.

Tanba ne’e, Horta dehan sei la impede servisu nu’udar ministru iha governu da-hituk hodi fó prioridade ba Timor-Leste.

ʺSe Sekretáriu Jerál bolu ha’u atu halo servisu ida boot iha rai ruma, ha’u sei hanoin lai no sei husu ba Primeiru Ministruʺ, hatete.

Nia esklarese sei servisu ho voluntáriu ba kna’ar rua ne’e.

Jornalista: Agapito dos Santos

Editora: Rita Almeida

iklan
iklan

Leave a Reply

iklan
error: Content is protected !!