Hadi’a Kualidade Servisu Saúde Sai Prioridade Governu Da-hituk

0
287
Primeiru Ministru, Mari Alkatiri (liman karuk), Ministru Estadu no Ministru Saúde, Rui Maria de Araújo (klaran), Ministru ba Prezidensia Konsellu Ministru, Adriano do Nascimento (liman loos) konversa iha hasoru dahuluk ba ambiente kna'ar foun iha Palásiu Nobre Lahane, ohin. Foto GPM

DILI, (TATOLI) – Ministru Estadu no Ministru Saúde (MS), Rui Maria de Araújo informa programa prioridade ba Governu Konstitusionál da-hituk mak hadi’a kualidade servisu saúde iha Timor-Leste.

“Ita tenke fó atensaun ba ema mak maka’as liu, ohin ha’u lansa motto ida katak ema hotu iha ministériu saúde laran tenke ka’er katak ami iha ne’e atu servi imi, atu nune’e servisu saúde bele iha kualidade hodi fó satisfasaun ba públiku”, dehan ministru ba jornalista sira iha ministériu saúde Kaikoli, ohin.

Nia hatutan, atu implementa motto ida ne’e presiza servisu iha ekipa, presiza hatudu profesionalizmu iha tarefa óspital nian, saúde públiku no kuidadu primáriu sira.

Enkuantu, profesionál saúde sira servisu ho responsabilidade ho kualidade servisu liuhosi koordenasaun di’ak signifika bele produz rezultadu di’ak.

Aimoruk sempre sai preokupasaun públiku, nia hatan, enkuantu ita hotu servisu ho foku no halo esforsu ba planu ida ne’ebé loos, haree orsamentu di’ak sei rezulta aimoruk sei labele falta ba populasaun sira,

“Foin dadauk ha’u ba vizita Óspital Nasionál Guido Valadares (ONGV) atu haree problema loloos saida mak sira infrenta, sira nia funsionamentu oinsá, kuandu iha tempu ferias nian karik doutór sira halo saida eh sabadu ou domingu sira organiza malu oinsá”, haktuir.

Ho objetivu ba vizita hirak ne’e atu buka entendimentu atu sai baze di’ak hodi halo planu di’ak liu tan ba futuru.

Iha setór saúde nia importánsia mak buka organiza malu nafatin hodi nune’e rekursu hirak ne’ebé iha bele utiliza halo didiak hodi presta servisu ba populasaun. 

Jornalista: Zezito Silva

Editora: Rita Almeida

HUSIK IDA HATÁN