Governu Jestaun, PM Rui Briefing KFP

0
85
Primeiru Ministru, Rui Maria de Araújo

DILI (TATOLI)-Primeiru Ministru Rui Maria de Araújo iha Kinta ohin halo esplikasaun kona-ba Governu Jestaun ba Komisaun Funsaun Publíka no Diretóres Nasionál no Administrador Munisipiu iha Edifisiu Ministériu Finansas Aitarak Laran.

Rui Araújo dehan, Membru Governu  sira sei kontinua halo jestaun to’o Sétimu Governu hetan Posse.

Governu jestaun sei la funsiona hafoin Parlamentu Nasionál halo apresiasaun  ba programa Sétimu Governu.

ʺDirijenti sira iha Administrasaun públika importante tebes garante prestasaun servisu lao nafatin,ʺ Rui Araújo haktuir ba Jornalista sira iha Edifísiu Ministériu Finansas Aitarak Laran.

Iha biban hanesan xefe governu enkoraza diretores sira  atu foti dezisaun balun bainhira iha nesesidade urjente ruma.

Liu-liu Buat ne’ebé iha ona orsamentu, iha ona planu ne’e tenki kontinua nafatin, labele hein governu foun, se hein governu ne’e sala.

Iha sorumutu ne’e, Rui Araújo halo mós halo esplikasaun kona-bá mudansa kalendariu ezekusaun orsamentu tinan 2018-2019 ba diretores, administrador inklui Komisaun Funsaun Públika.

Iha fatin hanesan, Prezidente Komisaun Funsaun Públika Faustino Cardoso konsidera, sorumutu ne’e importante atu esplika ba servisu administrasaun públika kona-bá dinamika polítika ne’ebé sei akontese iha Sétimu governu liu-liu atu halo preparasaun ba orsamentu raktifikativu no orsamentu tranzitóriu hodi prepara Orsamentu Jerál Estadu (OJE) 2018-2019.

(Jornalista:Agapito dos Santos)

(Editór : Manuel Pinto)

 

HUSIK IDA HATÁN