Governu Atuál Tenke Halo Revizaun ba Kontratu Adidu Sira

0
574
Atividade Parlamentu Nasional.

DILI, (TATOLI) – Deputada husi bankada Frente Revolusionariu Timor-Leste Indepéndente (FRETILIN), Josefa Pereira fó atensaun ba governu atuál hodi halo revizaun ba kontratu adisu sira ne’ebé iha rai liur.“Ha’u hanoin governu atuál presiza halo revizaun atu reve fila fali kontratu ba adidu sira, tantu adidu edukasaun ka adidu trabalhadór tanba balun kontratu liu ona”, tenik iha plenária foin lais ne’e.

Hodi dehan tan, adidu sira kada vez aproveita konfiansa husi instituisaun sira hodi hala’o serbisu maibé dala barak konfiansa ne’ebé fó ba sira abuza oituan no dala barak sira urjente husik sira nia serbisu, hodi mai halo serbisu privadu ninian iha Timor.

“Ha’u hanoin ida ne’e labele akontese tanba sira iha responsabilidade ida atu haree ba kompeténsia ne’ebé atribui ba sira”, katak tan.

Nune’e nia haktuir, foin lais trabalhadór ida iha Koreia mate, adidu ne’ebé mak toma konta traballadór sira ausente husi Koreia mai Timor.

“Ha’u hanoin ida ne’e labele akontese tanba mesmu nia ausente husi fatin ne’ebé nia serbisu ba maibé nia saláriu nia simu nafatin, ho saláriu ne’ebé boot, ida ne’e hanesan responsabilidade”, dehan.

Nia dehan tan, sira iha direitu ba ferias maibé la’os ba ferias fali ba tempu naruk, ida ne’e grave.

Hodi rekomenda, presiza halo investigasaun tanba sei  investigasaun ne’e mak iha kustu estadu ne’ebé uza laiha responsabilidade mak sei iha evidensia no tenke entrega ba autoridade kompetente atu investiga.

Jornalista: Julia Chatarina

Editora: Rita Almeida

HUSIK IDA HATÁN