Ezekutivu Vietnam Kongratula Líder Foun TL

0
210
Primeiru Ministru, Nguyen Xuan Phuc. Foto Linh Luong Thai/Bloomberg

DILI, (TATOLI) – Primeiru Ministru (PM) Vietnam, Nguyen Xuan Phuc iha loron 18 setembru manda karta ida hodi kongratula Xefe Governu, Mari Alkatiri ne’ebé lidera governu da-hituk.

Sita husi mídia online Vietnam iha loron hanesan, Prezidente Asembléia Nasionál Vietnam, Thi Kim Ngan kongratula Prezidente Parlamentu Nasionál (PN) eleitu, Aniceto Guterres ba lejislatura da-haat.

Nune’e mós Vise Ministru PM no Ministru Negósiu Estranjeiru Vietnam, Pham Binh Minh kongratula mós Ministru Negósiu Estranjeiru no Kooperasaun (MNEK) foun, Aurélio Guterres.

Entretantu Prezidente Repúblika (PR), Francisco Guterres Lú Olo ofisialmente noméia Sekretáriu Jerál FRETILIN, Mari Alkatiri nu’udar partidu mais votadu iha eleisaun foin lais no iha loron 15 setembru hetan pose husi PR nu’dar Primeiru Ministru no Ministru Dezenvolvimentu no Reforma Institusionál hamutuk ho ministru nain 11.

Iha loron 5 setembru, Aniceto Guterres eleitu hanesan Prezidente PN ho votu 33 wainhira konkore ho Prezidente meza anterior lejislatura da-toluk, Aderito Hugo ho votu 32.

Jornalista: Julia Chatarina

Editora: Rita Almeida

HUSIK IDA HATÁN