Estudante ESTV-GTI Bekora 167 Rejista Tuir Ezame Nasionál

0
36
Diretór Ensinu Sekundáriu Tékniku Vokasionál no Grupu Teknolójia Indústria Bekora, Francisco Guterres.

DILI, (TATOLI) – Diretór Ensinu Sekundáriu Tékniku Vokasionál no Grupu Teknolójia Indústria Bekora, Francisco Guterres hateten estudante finalista 167 priense ona kritériu hodi partisipa ezame nasionál ne’ebé sei hala’o iha loron 23 to’o 24 outubru tinan ne’e.

Finalista hirak ne’e kompostu husi departementu kontrusaun sívil, mekanika produsaun, mekanika automovel,  eletrisidade, eletrónika no informatika.

“Preparasaun materia ba ezame nasionál oras ne’e atinje pursentu 30”, informa nia ba Tatoli iha Bekora, ohin.

Alende ezame nasionál, finalista 167 sei tuir tan prova aptidaun profesionál iha fulan novembru hodi koko kapasidade konaba materia ne’ebé sira hili ona tuir departementu.

Totál estudante primeiru ano to’o terseiru ano hamutuk 969, profesór permanente 64, kontratadu 19, administrasaun tolu, seguransa tolu, voluntáriu KOIKA (Korea) nain tolu no advisór administrasaun 1.

Jornalista: Agapito dos Santos

Editora: Rita Almeida

HUSIK IDA HATÁN