Erasmus UNTL Seidauk Desloka

0
84

DILI, (TATOLI) – Estudante Universidade Nasionál Timor Lorosa’e (UNTL) ne’ebé hetan oportunidade ba programa Erasmus ba Universidade Évora (UE), Portugál seidauk desloka tanba hein kalendáriu akadémiku nian ne’ebé estabelese entre universidade rua.

“Sira sei kursu hela disiplina sira iha semester ida ne’e nian”, informa reitór UNTL, Francisco Miguel Martins ba profisionál komunikasaun sosiál sira iha Kampus Sentrál UNTL, ohin.

Sira labele lakon disiplina sira ne’ebé mak iha semestre ba tinan létivu ne’e nian no depois finaliza tiha semestre ida ne’e mak foin bele ba. “Setembru ne’e nia klaran mak sira bele ba ona iha Universidade Aveiro”, informa.

Nia esplika, Erasmus ne’e bolsa ida ne’ebé mak atribui husi “Bolsa de Erasmus Mundos” hodi halo mobilidade entre estudante sira.

Durasaun ba programa Erasmus ne’e, estudante sira sei hela no estuda iha Universidade Évora tuir sira-nia área durante fulan neen hafoin fila fali mai kontinua sira-nia estudu iha UNTL.

Estudante sira ne’ebé sei desloka depende ba vaga programa “Bolsa de Erasmus Mundos” nian.

UNTL iha nia ezisténsia durante tinan 17 halo ona kooperasaun oioin ho ensinu superiór públiku no privadu oioin iha kontinente Áfrika, Amérika, Ázia, Europa no Oseania inklui mós rede internasionál sira.

Jornalista: Rafy Belo

Editora: Rita Almeida

HUSIK IDA HATÁN