Embaixada EUA Apoiu Lansamentu Livru Istória Aventura Interativu Ida

0
69
FOTO ESPESIAL

 DILI (TATOLI)– Embaixada EUA ofisiálmente sei lansa livru Tour de Timor: Istória Aventura Interativu ida iha Uma Amérika iha Kampus Universidade Nasionál Timor Lorosa’e (UNTL), iha loron Kinta Feira, 14 fulan Setembru.

Embaixadora EUA ba Timor-Leste Karen Stanton sei hato’o diskursu iha eventu lansamentu ne’e hamutuk ho reprezentante sira UNTL nian no Exelénsia Jose Ramos-Horta, Eis Prezidente Timor-Leste no fundadór Tour de Timor.

 Livru ne’e hakerek husi English Language Fellow Joanie Andruss no uza Timor-Leste nia eventu internasionál annual, korrida bisikleta sae foho hanesan meius ida hodi promove hanorin no aprende lian Ingles iha eskola sira iha nasaun ne’e.

Ho apoiu husi Embaixada EUA, Mestre lian Ingles besik 125 iha Dili, Gleno no Aileu inklui mestre sira ne’ebé hetan treinu husi señora Andruss sei simu kopia livru ne’e.  Kopia dijitál husi livru ne’e sei moos disponibilidade ba públiku.

Eventu ne’e sei inklui sesaun lee interativu hamutuk ho joven sira no atividade seluk ne’ebé organiza husi voluntáriu Uma Amérika. Partisipante sira Tour de Timor tinan ida ne’e nian no reprezentante sira husi organizasaun oi-oin ne’ebé hamutuk iha programa dezenvolvimentu lian Ingles iha Timor-Leste sei partisipa moos iha eventu ne’e.

Entretantu Programa lansa livru Tour de Timor: Istória Aventura Interativu ida ne’e sei hahú iha tuku 9 dadeer.

(Ekipa Redasaun)

 

 

HUSIK IDA HATÁN